Komisioni Evropian ka paditur Poloninë në Gjykatën Evropiane të Drejtësisë (ECJ) lidhur me shkeljet e dyshuara të ligjit të BE-së nga Gjykata Kushtetuese polake.
Ky është veprimi më i fundit ligjor i komisionit kundër Varshavës për shkak të shqetësimeve të një erozioni të standardeve bazë të ligjit të së drejtës në Poloni.
Dy vendime në vitin 2021 nga gjykata kushtetuese e Polonisë, thanë se ligji kombëtar mund të ketë përparësi ndaj ligjit të BE-së.
“Komisioni i sheh këto vendime si shkelje të parimeve të përgjithshme të autonomisë, përparësisë, efektivitetit, zbatimit uniform të ligjit të Unionit dhe efektit detyrues të vendimeve të Gjykatës së Drejtësisë së Bashkimit Evropian”, thuhet në një njoftim për shtyp.
“Duke e paditur Varshavën në ECJ, komisioni dëshiron të sigurojë që të drejtat e qytetarëve polakë të mbrohen dhe se ata mund të gëzojnë përfitimet e BE-së në të njëjtën mënyrë si të gjithë qytetarët e BE-së”, thuhet në deklaratë.
Komisioni, fillimisht kundërshtoi vendimet në dhjetor 2021, por tha se përgjigja e Varshavës deri më tani nuk i ka adresuar shqetësimet e krahut ekzekutiv të BE-së, duke çuar në përshkallëzimin e mosmarrëveshjeve ligjore.
Polonia u urdhërua në vitin 2021 t’i paguante 1 milion euro (1.07 milion dollarë) në ditë komisionit për dështimin për të zbatuar vendimet e ECJ-së për të shpërndarë dhomën e diskutueshme ligjore, e cila nuk ishte mjaftueshëm e pavarur nga qeveria.
Varshava që atëherë është zotuar të reformojë dhomën në një përpjekje për të zhbllokuar miliarda euro në fondet e rimëkëmbjes të Covid-19 për Poloninë, të cilat Brukseli i ka pezulluar për shkak të mospërputhjes me vendimet e ECJ-së.
Megjithatë, të shtunën, presidenti polak, Andrzej Duda i kërkoi gjykatës të shqyrtojë kushtetutshmërinë e reformave gjyqësore të kërkuara nga komisioni pasi parlamenti i Polonisë miratoi masat.//a.i/
