Kryeministri Edi Rama ka uruar sot besimtarët për të martat e shenjta të Shën Ndout.
Rama ka publikuar foto nga kisha e Laçit ku festohen të martat e shenjta të Shën Ndout.
“E martë e shenjtë nga kisha e Shën Ndout”, ka shkruar kryeministri Rama krah fotos.
Janë 13 të marta që respektohen nga besimtarët për të mbërritur deri në ditën e Shna Ndout. Pelegrinë të shumtë i drejtohen çdo të martë këtij vendi të shenjtë për të gjetur ngrohtësi shpirtërore, duke drejtuar lutjet e tyre për qetësi, shëndet, harmoni dhe begati.
Pelegrinët janë nga çdo skaj i vendit dhe përfaqësojnë besime të ndryshme. Ata besojnë tek mrekullitë e Kishës së Laçit, ndaj edhe e frekuentojnë.
Mijëra persona udhëtojnë çdo të javë drejt kishës së Shna Ndout në Laç deri në ditën e 13 qershorit kur është dhe festa e këtij shenjti dhe numri i pelegrinëve shkon mbi 1 milion.
Kisha e Shna Ndout daton që nga shekulli XIII dhe objekti i rëndësishëm i kultit mori famë për shkak të Shna Ndout, një predikues i njohur katolik.
