Ministrja e Arsimit dhe Sportit, Evis Kushi priti sot në një takim Alban Beqirin, fitues i vendit të tretë në Kampionatin Botëror të Boksit 2021, si dhe Arjol Zenelin, medalist i bronztë në Kampionatin Europian të moshave U18.
“Së bashku me Presidentin e KOKSH, Fidel Ylli, prita me shumë kënaqësi në Ministrinë e Arsimit dhe Sportit, Alban Beqirin, fitues i vendit të tretë në Kampionatin Botëror të Boksit 2021, si dhe Arjol Zenelin, medalist i bronztë në Kampionatin Europian të moshave U18”, tha Kushi.
Ministrja i uroi kampionët për rezultatet e larta dhe shprehu mbështetjen e vazhdueshme për sportistët elitar dhe brezat e rinj që përfaqësojnë me dinjitet Shqipërinë në gara kombëtare dhe ndërkombëtare.
