Shqipëria gjithnjë e më shumë po tërheq turistë dhe vizitorë të huaj, jo vetëm në sezonin turistik veror, por përgjatë gjithë vitit.
Kryeministri Edi Rama bëri të ditur se numri i turistëve përgjatë 5-mujorit është rritur me 42 %.
“42% më shumë vizitorë se viti i kaluar kanë zgjedhur Shqipërinë, në pesë muajt e parë të këtij viti, të cilët premtojnë për më shumë turistë në pikun e sezonit veror ku po hyjmë”, deklaroi Rama.
Gjatë periudhës janar-maj kanë hyrë në territorin shqiptar 2 389 899 turistë të huaj, nga 1 667671 turistë të huaj që vizituan vendin vitin e shkuar në të njëjtën periudhë.
Vetëm gjatë muajit maj kanë hyrë në territorin shqiptar 705 069 turistë të huaj, kur në të njëjtën periudhë të 2022-shit, hynë 604 430 turistë të huaj, ose 17 % më shumë.
