Refuzimit të BE-së për ti bërë pjesë të familjes evropiane liderët e Ballkanit Perëndimor i përgjigjen me zhvillimin e rajonit nen ombrellën e Minishengenit Ballkanik.

Rama: Nuk ka mbivendosje mes anëtarësimit në BE dhe krijimit të tregut të përbashkët të hapësirës Shengen. Së bashku ne jemi më të mëdhenj. Evropa nuk mund të na thotë ç’të bëjmë në këtë rajon. Me veprimet tona ne mund të lehtësojmë jetën e qytetarëve tanë. Pse duhet ta presim BE-në kur mund të bëjmë vetë tregti pa barriera?

Kritikat ndaj Bashkimit Europian për mos hapjen e negociatave me Maqedoninë e Veriut dhe Shqipërisë, Kryeministri Edi Rama nuk i kurseu as në Samitin e Prespës.

Rama: Nu jemi të frustruar dhe në depresion, jemi super. Ata në BE, janë më ne depresion dhe me te frustruar se ne. Nuk do lutemi dhe nuk do themi ne jemi çuna të mirë, pse nuk na doni. Nuk doni te keni konferencë te parë qeveritare s’ ka problem, një konferencë me pak për ne.

Deklaratat e Ramës nuk u pritën mirë në Tiranë. Kryetari i opozitës Lulzim Basha dënoi gjuhën e ashpër te Kryeministrit Rama duke e krahasuar atë dhe Kryeministrin e Maqedonisë Zaev me autokratë të korruptuar qe fajësojnë BE-ne për dështimin e tyre.

Samiti i Prespës beri bashke kryeministrat e Kosovës dhe Serbisë, te cilët ndryshe nga sa ndodhi ne Tirane shmangen përplasjen me njeri tjetrin.

Top Channel

ARTIKUJ TË NGJASHËMMË SHUMË NGA AUTORI