Sot u shënua një shkëmbim i suksesshëm mes nxënësve serbë nga shkolla e mesme “Miloš Crnjanski” në Kikinda dhe mikpritësve të tyre shqiptarë, të cilët studiojnë në gjimnazin “Hydajet Lezha”.
Programi Superschools, i bashkëfinancuar nga BE-ja dhe Gjermania, me zbatimin e GIZ dhe RYCO, po ofron shembullin më të mirë se si tejkalohen paragjykimet dhe si bashkohet rajoni.
Duke krijuar një skemë shkëmbimi rajonal midis shkollave, Superschools po përmirëson sistemet arsimore dhe po promovon bashkëpunimin midis qindra nxënësve në Ballkanin Perëndimor.
“Gëzohem që shoh studentë nga Kikinda pas vizitës sime atje 26 vjet më parë. Shpresoj që BE-ja mund të jetë burim frymëzimi për të bashkuar njerëzit, për të kapërcyer paragjykimet dhe idetë e tyre të paramenduara”, u shpreh Alexis Hupin, Shef i Seksionit Politik i Delegacionit të BE-së.
