Një tjetër urim i veçantë ka ardhur për festën e 108-vjetorit të Pavarësisë për Shqipërinë ditën e sotme.
Ndërtesa më e lartë në botë, Burj Khalifa është veshur kuqezi për nder të Ditës së Flamurit. Flamuri kuq e zi ka qenë në qendër të Dubait për disa minuta, si një ndër urimet më të veçanta për vendi tonë.
Burj Khalifa është ndërtesa më e lartë në botë, e cila filloi të ndërtohej në vitin 2004. Lartësia e Burj Khalifa është 828 metra, një nga sfidat më të mëdha për botën inxhinjerike.
Edhe Ura e famshme e Bosforit në Stamboll që lidh Turqinë Europiane dhe atë Aziatike është veshur me ngjyrat kuq e zi mbrëmjen e sotme.
Ky është një urim i veçantë për Shqipërinë me rastin e 108-vjetorit të Pavarësisë.
Ngjyrat kuq e zi do të qëndrojnë deri nesër në mëngjes në një ndër urat më të famshme në botë.
