ATSH-AFP/ – Kompania e modës ”Pierre Cardin” feston ditëlindjen e krijuesit të saj, i cili do të kishte mbushur sot 100 vjeç, me një paradë në pallatin e tij në Venecia dhe dëshirën për të rihapur një perandori të bazuar në një mori licencash.
Palazzo Ca’Bragadin ku ka qëndruar Casanova, në pronësi të Pierre Cardin, do të presë sot një retrospektivë të pjesëve të tij futuriste të shtunën dhe një koleksion të ri ekologjik, të bërë nga studiot e tij.
”Pierre, i cili vdiq në fund të vitit 2020 në moshën 98-vjeçare, nuk i pëlqente t’i uronin ditëlindjen, por donte të festonte ditëlindjen e tij të 100-të”, thotë Rodrigo Basilicati-Cardin, nipi i tij dhe drejtor menaxhues i shoqëria administruese.
Asnjë personazh i famshëm në shfaqje, por 120 nga 300 të ftuarit janë të licencuar që prodhojnë në katër anët e botës, nën markën ”Pierre Cardin”.
”Është ende një perandori e vogël ekonomike me këto licenca që ende arrin të funksionojë, por Cardin është një emër që është margjinalizuar”, tha Arnaud Cadart, menaxher në ”Flornoy Ferri”.
“Aí ende shet, por më tepër në vendet në zhvillim dhe për klientë me pak kulturë në luks”, shton ai.
”Në Paris, nuk është asgjë në krahasim me Louis Vuitton apo Saint Laurent. Është e paimagjinueshme për sa i përket reputacionit dhe dinamikës tregtare”, shton ai./ a.jor.
