60 VITE KRENARI NË EDUKIMIN E BREZAVE
Shkolla “Jorgji Dilo” ka kremtuar 60 vjetorin e saj ne nje ceremoni ku morën pjesë zyrtarë, figura të shquara të arsimit ndër vite, nxënës e ish nxënës për të kujtuar momentet historike nëpër të cilat ka kaluar rrugëtimi i kësaj shkolle, por mbi të gjitha për të festuar arritjet e saj në misionin aq të rëndësishëm të edukimit të brezave.
Në këtë datë të shënuar sot çdo elbasanas është ndjerë pak jorgjidilas pasi çdo kush e gjen një lidhje me shkollën e cila ka nxjerrë breza të tërë profesionistëh të cilërt kontribuojnë në fusha të ndryshme.
Ky përvjetor i 60 shkollën Jorgji Dilo e ka gjetur me një infrastrukturë tërësisht të transformuar, me kushte moderne dhe një godinë e cila i bën nder qytetit të arsimit.
Ish nxënës, ish mësues dhe dashamirës të arsimit përshëndetën përvjetorin e shkollës “Jorgji Dilo” duke ndarë kujtimet e tyre që lidhen me edukimin mbi gjysëm shekulli të kësaj shkolle.
60 vite janë rrugëtimi i dhjetëra e dhjetëra brezave të cilët sot janë mirënjohës për dijet, kulturën dhe brumosjen e tyre pikërisht në bankat e kësaj shkolle.
Emri i shkollës Jorgji Dilo qëndron me krenari mes emrave të shumë shkollave në Elbasan që edusimin e brezave e kanë pasur dhe e kanë misionin e tyre të shenjtë. Në këtë përvjetor nxënës e mësues kishin përgatitur një koncert të bukur festiv.
