Drejtori i Përgjithshëm i Drejtorisë së Kulturës dhe Sporteve Elbasan, z. Artin Kovaçi mirëpriti sot Kampionen Kombëtare në ping pong Eris Kokoneshi.
Erisi shkëlqeu në Kampionatin Kombëtar të muajit Mars që u zhvillua në Gjirokastër, duke fituar të gjitha ndeshjet në kategoritë U15 dhe U19. Një performancë e jashtëzakonshme që tregon talentin, punën dhe përkushtimin e saj në sport. Z.Kovaçi uroi Erisin dhe trajneren e saj Greta Kovaçi, për kete sukses të meritur, duke theksuar se këto arritje e bejnë krenar dhe pret te tjera rezultate të shkëlqyera.
Me këtë trofe Eris Kokoneshi do të përfaqësojë Shqipërinë në të gjitha garat ndërkombëtare si kampione e Shqipërisë për vitin 2025.
Edlira Xherri Elbasaninews.al
