Bandat shqiptare të drogës përdorin kampet e emigrantëve në Francën veriore si terren rekrutimi për të punuar në industrinë e drogës në Mbretërinë e Bashkuar”. Kështu e nis artikullin BBC, teksa shkruan se shqiptarët përbëjnë 1/3 e 39 mijë njerëzve që kanë mbërritur në Britani me varka të vogla deri në 2022. Artikulli përshkuan me detaje mënyrën se si shqiptarët pas mbërritjes në Francë kontaktoheshin nga bandat për të mundësuar transportimin e tyre drejt Britanisë së Madhe dhe për të punuar në industrinë e drogës.
Teksa sjell disa dëshmi të shqiptarëve, në artikull thuhet se kontrabandistët reklamonin klientët në TikTok . Pagesa për transportin kryhej në Francë ose Angli dhe personat që bënin ndërmjetësin, u dërgonin familjarëve një foto të klientit pasi transporti ishte kryer me sukses.
Teksa citon një zyrtar të lartë francez, BBC shkruan se shqiptarët po luajnë rolin e ndërmjetësve, duke lidhur emigrantët shqiptarë me bandat e kontrabandës kurde. Në artikull ekonomia dhe korrupsioni janë faktorët kryesorë që detyrojnë shqiptarët të lënë vendin e tyre dhe të drejtohen drejt Britanisë.
Më poshtë artikulli i plotë nga BBC:
BBC ka dëgjuar prova që bandat shqiptare të drogës po përdorin kampet e emigrantëve në Francën veriore si një terren rekrutimi, duke ofruar pagesën e kalimit të atyre që janë përgatitur për të punuar në industrinë e drogës në Mbretërinë e Bashkuar pas mbërritjes.
Shqiptarët përbëjnë pothuajse një të tretën e 39,000 njerëzve që kanë mbërritur me varka të vogla deri më tani këtë vit, sipas shifrave të qeverisë së Mbretërisë së Bashkuar. Zyrtarët e lartë të policisë dhe emigracionit në të dy anët e Kanalit janë të shqetësuar nga rritja e rolit të ndërmjetësve shqiptarë në lehtësimin e kalimeve. Kryeministri i Shqipërisë Edi Rama ka akuzuar Britaninë e Madhe se po i ka dhënë të drejtën bashkëqytetarëve të tij për të justifikuar “politikat e dështuara” të saj për kufijtë dhe migracionin.
Rtsh
