ATSH/ Impianti i kompensimit në Cërrik të Elbasanit, një investim i ndërtuar në bashkëpunim me qeverinë Shqiptare dhe me mbështetjen e qeverisë gjermane, filloi punën në qershor 2021 dhe ka gjeneruar deri më tani rreth 150 m3 pleh organik të gatshëm për të dalë në treg për herë të parë.
Në këtë impiant përpunohen mbetje organike nga serrat, krasitjet e pemëve, mbetjet e industrisë agro-përpunuese dhe ato të grumbulluara nga shërbimi i pastrimit në të gjithë territorin e bashkisë.
Ky investim bën të ditur GIZ Albania, krahas produktivitetit ekonomik dhe social, në bashkinë Cërrik po kontribuon edhe në reduktimin e ndikimit të mbetjeve në mjedis dhe ndryshimet klimatike, duke krijuar mundësi për përfitime ekonomike dhe sociale.
Humusi që përftohet nga procesi i përpunimi të mbetjeve organike: Përmirëson strukturën e tokës ku përdoret; Rrit aftësitë ujëmbajtëse të tokës dhe ul nevojën për plehra kimike duke shërbyer si material natyror ushqyes. /j.p/

ARTIKUJ TË NGJASHËMMË SHUMË NGA AUTORI