Ai i tha parlamentit gjerman se koalicioni i tij dëshiron të krijojë “një Gjermani moderne” në vitet e ardhshme.

“Qeveria që tani fillon punën nën udhëheqjen time do të jetë një qeveri e përparimit”, tha Scholz.

Ai shprehu perspektivën e një qeverie të përparimit social, shoqëror dhe kulturor, por theksoi mbi të gjitha përparimin teknik.

”Kjo është mënyra e vetme se si Gjermania mund të bëhet neutrale ndaj klimës dhe të vazhdojë me konkurrencën globale”, tha ai.

Kancelari shtoi se “fuqia e përparimit” ishte veçanërisht e dukshme në pandemi, duke vënë në dukje se vaksina e koronavirusit e zhvilluar në Gjermani ka shpëtuar jetën e miliona njerëzve në mbarë botën.

”Vaksina BioNTech është kështu prova më e mirë se përparimi, inovacioni dhe modernizimi e bëjnë botën një vend më të mirë”, tha ai.

Scholz gjithashtu kërkoi të siguronte gjermanët se pandemia mund të kapërcehej.

“Po, gjërat do të përmirësohen përsëri, po, ne do ta luftojmë betejën kundër kësaj pandemie me vendosmërinë maksimale dhe po, do ta fitojmë këtë betejë”, tha ai.

”Kërcënimi më i madh për demokracinë tonë mbetet ekstremizmi i djathtë”, shtoi kancelari.

”Detyra kryesore e policisë në vitet e ardhshme do të jetë të luftojë ekstremizmin dhe krimin e organizuar. Ekstremizmi do të duhet të ndiqet edhe në internet, ndërsa do të forcohen mjetet kundër pastrimit të parave”, theksoi ai.

“Gjermania është një vend imigrantësh dhe kjo është koha për ta konsideruar veten edhe si kompani imigracioni dhe integrimi. Kjo përfshin lehtësimin e rrugës për marrjen e  nënshtetësisë gjermane. Vetëm në këtë mënyrë do të lejojmë pjesëmarrje të plotë politike dhe për rrjedhojë një integrim më të mirë”, deklaroi Scholz./ a.jor.