”Për herë të dhjetë në 12 muaj jam këtu për të folur për përparimin e pandemisë, një fakt që tregon se demokracia jonë po funksionon, pavarësisht nga ndërlikimet e koronavirusit, por gjithashtu që qeveria informon rregullisht partitë dhe qytetarët”, deklaroi kryeministri në parlament gjatë debatit mbi planin e qeverisë për të menaxhuar krizën shëndetësore dhe pasojat e pandemisë së koronavirusit në ekonomi.

”Kudo në botë, virusi rezultoi rezistent”, theksoi Mitsotakis.

“Sipas OBSH-së Greqia renditet në vendin e 23-të për sa i përket jetëve njerëzore të humbura. Nëse do të kishim qenë në mesataren europiane, do të kishim humbur edhe 8 000 jetë të tjera, që i përgjigjet një qyteti të tërë”, shtoi ai.

Ai më pas iu referua vaksinimeve, duke thënë se “ne jemi në vendin e pestë midis vendeve të BE-së për sa i përket numrit të njerëzve të vaksinuar me të dyja dozat”./ /os/