/ATSH-DPA/ – Miss India, aktorja 21-vjeçare Harnaaz Sandhu, u kurorëzua Miss Universe, sot herët në mëngjes, në një shfaqje live në qytetin bregdetar izraelit Eilat në Detin e Kuq.
Sandhu mbizotëroi ndaj 79 konkurrenteve.
Në një profil në faqen e internetit të konkursit, Harnaaz përshkruhet si “një avokate e fortë për fuqizimin e të drejtave të grave, veçanërisht të drejtat e tyre kushtetuese për arsimimin, karrierën dhe lirinë e tyre të zgjedhjes”.
Ishte konkursi i 70-të i Miss Universe.
Për shkak të pandemisë së koronavirusit, vetëm shikuesit me një “leje të gjelbër”, që tregon se ose ishin shëruar nga koronavirusi ose ishin vaksinuar në gjashtë muajt e fundit, mund të ishin të pranishëm në shfaqje.
Në maj, atëherë 26-vjeçarja Andrea Meza nga Meksika fitoi titullin e Miss Universe 2020, në shtetin amerikan të Floridës.
Konkursi ishte shtyrë për shkak të pandemisë Covid-19 nga viti i kaluar./ a.jor
