Logo
AKTUALITET
Durrësi zgjohet i tronditur, hidhet në erë me tritol makina e efektivit të policisë, disa të shoqëruar
03/09/2021, 07:56
0
foto ilustruese
foto ilustruese
Një automjet ka shpërthyer në orët e para të mëngjesit të kësaj të premte në Durrës.
Uniformat blu bëjnë me dije se sasia e tritolit ka shpërthyer në makinën e parkuar të një efektivi policie me ininciale L.K.
Ngjarja mësohet se ka ndodhur rreth orës 06:25 të mëngjesit të sotëm në lagjen nr.17 në Durrës, ku fatmirësisht ka patur vetëm dëme të vogla materiale.
Ndërkohë, shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes.
Njoftimi i plotë i Policisë Durrës:
Më datë 03.09.2021, rreth orës 06:25, në lagjen nr.17, Durrës, dyshohet se është vendosur dhe ka shpërthyer një sasi e vogël lëndë plasëse në mjetin e parkuar para banesës, në pronësi të shtetasit L. K.,(punonjës policie), nga e cila ka vetëm dëme të vogla materiale.
Shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes.
Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve.
