Një 29 vjeçar nga Tirana është arrestuar nga Policia e kryeqytetit pasi Gjykata e ka dënuar me 1.4 vite burg për veprën penale të “Mashtrimit”. Ky shtetas ishte shpallur në kërkim.
“Në vijim të punës për kapjen e personave në kërkim dhe vënien e tyre përpara përgjegjesisë penale, nga sherbimet e Komisariatit të Policisë Nr.4, në bashkëpunim me Specialistët për Hetimin e Krimit Ekonomiko-Financiar bënë kapjen dhe ndalimi i shtetasit E. I., 29 vjeç,pasi Gjykata e Rrethit Gjyqësor Tiranë, e ka dënuar me 1 vit dhe 4 muaj burg, për veprën penale “Mashtrimi”, njofton Policia.
Gjithashtu në pranga kanë rënë gjatë 24 orëve të fundit dhe 5 shetetas të tjerë.
“Specialistët e Seksionit për Hetimin e Narkotikëve bënë arrestimin në flagrancë të shtetasit M. S., 29 vjeç, pasi gjatë kontrollit të mjetit me të cilin ky shtetas po qarkullonte iu gjet një sasi lëndë e dyshuar kanabis e cila u sekuestrua në cilësinë e provës materiale.
Nga specialistët për Hetimin e Krimit në Komisariatin e Policisë Nr.4, u bë arrestimi në flagrancë i shtetasit Sh. C., 53 vjeç, pasi duke qenë me masë sigurie “Arrest në shtëpi” për veprën penale “Dhuna në familje”, është konstatuar jashtë banesës.
Specialistët për Hetimin e Krimit në Komisariatin e Policisë Nr.5, bënë arrestimin në flagrancë të shtetasit K. K., 47 vjeç, pasi duke qenë pasagjer në mjetin me drejtues S. F, ka ofenduar dhe ka goditur për shkak të detyrës punonjësin e policisë
Nga specialistët e Qarkullimit Rrugor bënë arrestimin në flagrancë të shtetasve
D. M., 21 vjeç, pasi u kap në flagrancë duke drejtuar mjetin pa lejen përkatëse ;
M. P., 61 vjeç, pasi u kap në gjendje të dehur në masën 0.73 mg/l.
Materialet iu referuan Prokurorisë së Rrethit Gjyqësor Tiranë, për veprime të mëtejshme”, thuhet në njoftim.
