Agjencia e Mbrojtjes Civile në Itali njoftoi sot 578 vdekje më shumë dhe një rritje në numrin kombëtar të infeksioneve të koronavirusit, në më shumë se 165 000.
Sidoqoftë, rritja ditore e infeksioneve, me 2 667 persona më pak, ishte më e ulta në më shumë se një muaj, çka dëshmon një ngadalësim të ngjitjes.
Numri i përgjithshëm i vdekjeve nga Covid-19, sëmundja e frymëmarrjes e shkaktuar nga koronavirusi, u rrit me 2.7% në 21 645, shifra e dytë më e lartë në botë pas Shteteve të Bashkuara të Amerikës.
Numri i personave që janë shëruar nga sëmundja u rrit me 962, në 38 092.
Italia po përballet me shpërthimin më të keq të koronavirusit në Europë, por sipas ekspertëve, kurba e infeksionit të vendit është duke u ulur që nga fundi i marsit./ a.jor.atsh
