ATSH/ – Cristiano Ronaldo shënoi golin e tij të 17-të këtë sezon për të fituar një pikë për Manchester United, pasi David de Gea ndaloi Chelsean me disa pritje të shkëlqyera, sipas BBC.
Mysafirët ishin plotësisht dominues në pjesën e parë në ”Old Trafford”, por nuk mundën të gjenin një rrugë për të kaluar De Gean.
Por, Chelsea më në fund e theu ngërçin në mes të pjesës së dytë, pas golit të Marcos Alonsos.
Festimet e bluve zgjatën pak pasi Manchester United u përgjigj brenda një minute, me një gol të Ronaldos.
Ky gol solli festë në ”Old Trafford”, ndërkohë që pakënaqësia kundër pronarëve të klubit është ende e qartë, pasi protestat kundër tyre vazhdojnë.
Manchester United është i gjashti, pesë pikë pas Arsenalit në vendin e katërt, por ka luajtur dy ndeshje më shumë./ a.jor.
