Portieri i Turbinës dhe kapiteni i saj, Vokli Laroshi, do të jetë përfaqësuesi i vetëm nga Qarku i Elbasanit i grumbulluar me Kombëtaren. Për të disatën herë 20 vjeçari cërrikas është thirrur nga trajneri i Shpresave, Alban Bushi, për të dhënë kontributin e tij. Paraqitjet pozitive të Laroshit në katëkëndëshin e Turbinës janë vënë re nga specialistët e Kombëtares dhe ndoshta në të ardhmen do t’i vijë një ftesë edhe nga Përfaqësuesja e madhe. Edhe pse ne moshë të re, Laroshi ka siguruar një rol titullari në ekipin cërrikas dhe në merkaton e verës pati interesime edhe nga ekipet jashtë vendit për ta afruar në ekip, por preferoi të vijonte karrierën në ekipin e qytetit të tij. Ftesa në Kombëtare është një vlerësim për punën e bërë, me Laroshin që shihet edhe si e ardhmja e portës në futbollin shqiptar.
