Fondacioni Kombëtar Për Gjumin në Shtetet e Bashkuara rekomandon që të rriturit e moshës 18 deri 64 vjeç të flenë shtatë deri në nëntë orë, ndërsa të rriturit e moshës 65 vjeç e lart të flenë shtatë deri në tetë orë.
Marrëdhënia Mes Gjumit Dhe Rrezikut të Diabetit
Problemet me gjumin rrisin rrezikun e diabetit të tipit 2, thonë ekspertët.
Nëse njeriu nuk plotëson as dozën minimale të gjumit të nevojshëm, pra 7 orë, shanset për shfaqjen e sëmundjes në fjalë rriten me 9 përqind për çdo orë gjumë të munguar.
Ekspertët thonë se mungesa e gjumit mund ta shtyjë trupin të prodhojë insulinë joadekuate dhe të rrisë prodhimin e sheqerit në gjak, ose glukozës
Ndonëse diabeti nuk shkaktohet vetëm nga një faktor i vetëm, nivel i tepruar i glukozës për shkak të rezistencës ndaj insulinës është problematik sepse nëse nuk trajtohet ose nëse është i vazhdueshëm, mund të çojë në komplikime serioze shëndetësore, përfshirë këtu sëmundjet e zemrës, neuropatinë dhe humbjen e shikimit .
Përse Gjumi Është Po Aq i Rëndësishëm Sa Barnat Dhe Ushqyerja
Mungesa kronike e gjumit shkakton një stres të fortë në sistemin tonë të brendshëm dhe nxit rritjen e tensionit të gjakut.
Hipertensioni është i lidhur ngushtë me sëmundjet e zemrës dhe këto të fundit, përfaqësojnë një rrezik të dyfishtë të vdekjes për njerëzit që vuajnë nga diabeti.
Për pasojë, menaxhimi i stresit është i një rëndësie thelbësore. Stresi psikologjik mund të rrisë sheqerin në gjak me 10 deri në 15 përqind, thonë ekspertët që bëjnë thirrje për një cilësi më të mirë të gjumit./AgroWeb.or
