Në një atmosferë sportive dhe mikpritëse, Pallati i Sportit “Tomorr Sinani” në Elbasan ishte këtë fundjavë arena e Kampionatit Kombëtar Individual të Pingpongut për të Rritur, një nga ngjarjet më të rëndësishme të vitit në këtë disiplinë.
Eventi mblodhi mbi 100 sportistë nga e gjithë Shqipëria, të cilët konkurruan për tituj kombëtarë dhe për një vend në ekipin përfaqësues që do të marrë pjesë në Kampionatin Ballkanik, i cili do të zhvillohet së shpejti në Turqi.
Veç aspektit garues, kampionati shërbeu edhe si një mundësi për të promovuar sportin e pingpongut dhe për të rritur bashkëpunimin mes klubeve dhe trajnerëve në mbarë vendin.
Elbasani vazhdon të dëshmojë rolin e tij si një qendër e rëndësishme sportive në Shqipëri, duke mikpritur me sukses aktivitete të nivelit kombëtar dhe ndërkombëtar.
Urime të gjithë sportistëve dhe trajnerëve për përkushtimin dhe arritjet!
