Sipas studiuesve, rreziku më i madh për macet që enden jashtë lidhet me aksidentet rrugore, sëmundjet infektive, sulmet nga kafshë të tjera dhe ekspozimin ndaj kushteve të pafavorshme atmosferike. Ndërkohë, macet që jetojnë brenda kanë më shumë mbrojtje, ushqim të rregullt dhe kujdes veterinar më të qëndrueshëm.

Në këtë kuadër, sipas të dhënave nga studiues dhe institucione veterinare, përfshirë kërkime nga Universiteti i Kalifornisë (UC Davis), bëhet e ditur se mënyra më e thjeshtë për të ndihmuar macet të jetojnë më gjatë është mbajtja e tyre brenda ose në ambiente të sigurta të kontrolluara. Ata sugjerojnë gjithashtu krijimin e hapësirave të pasuruara brenda shtëpisë, që stimulojnë aktivitetin fizik dhe mendor të kafshës.

Ekspertët nënvizojnë se edhe dalje të kufizuara dhe të mbikëqyrura jashtë mund të jenë një alternativë e sigurt, duke ruajtur balancën mes mirëqenies dhe sigurisë së maceve.