Seanca gjyqësore për vlerësimin e ndalimit dhe caktimin e masës së sigurimit për Sokol Mjaçajn dhe zyrtarët e burgut të Peqinit do të zhvillohet të martën ora 10.00 në Gjykatën e Elbasanit.
Prokurori i çështjes është Xhelian Seferi dhe gjyqtare Yrfet Shkreli.
Një ditë më parë u dorëzua kërkesa në Gjykatën e Elbasanit për vleftësimin e ndalimeve dhe caktimin e masës së sigurimit.
Prokuroria e Elbasanit kërkoi masën e arrestit me burg për Sokol Mjaçajn dhe 12 zyrtarët e IEVP Peqin të ndaluar një ditë më parë.
Të ndaluar janë drejtori i burgut të Peqinit, Kamber Hoxha; Qani Muça, shefi i regjimit të godinës “41 biss”, Nikolin Gjonpalaj, ish shefi i policisë së burgut të Peqini; Vilson Shima, shef i regjimit të godinës B ; Arben Dulellari, Specialist informacioni, salla operative IEVP Peqin; Fatos Pire, polic shërbimi, përgjegjës sektori kati i parë, godina B; Ilir Balla, punonjës shërbimi godina B; Florenc Mile, polic shërbimi tek godina B; Genci Muça, shërbim në kollonë, godina B; Indrit Dubali, punonjës roli bazë, godina B; Klement Haka, punonjës i rolit bazë, godina B dhe Erjon Çela, polic shërbimi, godina B.tch
