Katër persona thuhet se kanë vdekur dhe dy janë plagosur pasi një zjarr shpërtheu në një qendër tregtare në qytetin Chizhou, Anhui, duke shpërndarë tym të zi nga kompleksi tregtar në qendër të qytetit, raportojnë mediat e huaja.
Zjarri u raportua rreth orës 9 të mëngjesit me orën lokale në Tongluowan Commercial Plaza në Dongjiekou. Shërbimet e urgjencës patën sukses në shuarjen e flakëve, të cilat thuhet se fillimisht shpërthyen në katin e fundit të kompleksit dhe prekën gjashtë persona që ishin bllokuar.
Të gjashtë u dërguan në spitalin e qytetit për trajtim, dy prej të cilëve më vonë lanë spitalin, raportuan mediat lokale.
Pamjet e shpërndara në internet përmes mediave sociale kineze treguan tymin nga ndërtesa, duke u rritur me intensitet para se shërbimet e urgjencës të mbërrinin në vendin e ngjarjes.
