Një ngjarje e rëndë ka ndodhur mesditën e sotme në fshatin Dorëz të qytetit të Librazhdit, me pasojë vdekjen e një qytetari me inicialet K.K. Gjatë kohës që ishte duke punuar në banesën e një tjetër shtetasi, e ka zënë poshtë pompa e betonit dhe si pasojë e plagëve të marra nuk ia ka dalë do të mbijetojë, por ka ndërruar jetë. Ka qenë vetë policia e Elbasanit ajo që ka dhënë njoftimin për mediat, ndërkohë që hetimet e mëtejshme do të zbardhin rrethanat e plota të ngjarjes, pasi grupi hetimor ka mbërritur menjëherë në vend ngjarje dhe po punon për sqarimin e këtij aksidenti në kushte pune. Nuk kanë qenë të pakta rastet në vendin tonë aksidentet që ndodhin kryesisht në vendin e punës, për shkak edhe të mos marrjes së masave, nga ana e punëdhënësve apo edhe e vetë punëtorëve në raste të caktuara. “Rreth orës 12:00, në fshatin Dorëz, Librazhd, shtetasi K.K.,duke punuar në banesën e shtetasit H.H., e ka zënë pompa e betoni dhe si pasojë është plagosur dhe ka ndëruar jete. Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes”, thuhet në njoftimin e policisë. Edlira Xherri
