Të paktën 100 ushtarë të Koresë së Veriut janë vrarë në luftën në Ukrainë që nga bashkimi i tyre me Rusinë në fillim të këtij muaji, ka thënë një deputet i Koresë së Jugut.
Lee Sung-kwon, duke folur me gazetarët pasi parlamenti u informua nga Shërbimi Informativ Kombëtar i vendit, tha se 1000 të tjerë ishin plagosur.
Ai tha se viktimat përfshinin zyrtarë të rangut të lartë dhe mund të shpjegohet me mungesën e familjaritetit të trupave me terrenin dhe me luftën me dron.
Raportet e para për viktimat e Koresë së Veriut erdhën në fillim të kësaj jave. Në tetor u tha se Veriu kishte dërguar 10,000 trupa për të ndihmuar përpjekjet luftarake të Rusisë.
Të hënën një zëdhënës i Pentagonit tha se koreano-veriorët ishin vrarë, pa dhënë një numër dhe një ditë më vonë një zyrtar amerikan i paidentifikuar tha se kishte disa qindra të vrarë ose të plagosur.
BBC raporton se nuk i ka verifikuar në mënyrë të pavarur pretendimet.
Top Channel
