Një krim i rëndë ka tronditur mesditën e sotme qytetin e Elbasanit, ku një 55 vjeçar ka goditur me sëpatë kunatën e tij, shtetasen A.Q. 44 vjeçe, e cila për pasojë ka humbur jetën. Edhe pse u dërgua në spital, për fat të keq nuk ia doli t’i mbijetojë plagëve të marra. Ngjarja ka ndodhur në fshatin Kusarth të Njësisë Adminstrative Bradashesh, ndërsa nuk janë ende të njohura motivet që çuan autorin drejt këtij krimi të rëndë. Në sajë të veprimeve të shpejta të policisë së Elbasanit, e cila me t’u njohur me ngjarjen, ka arritur të prangosë autorin, 55 vjeçarin me iniciale T.T, banues në Shirgjan të Elbasanit. Autori është kapur në Peqin, me një sopatë në dorë dhe me duart me gjak, i cili po ecte me vrap. Sëpata është sekuestruar në cilësinë e provës materiale. Grupi hetimor, në drejtimin e Prokurorisë, po punon për zbardhjen e rrethanave të ngjarjes.
