Kreu i Pentagonit, Mark Esper ndaloi sot flamurin e konfederatës në të gjitha bazat ushtarake amerikane, ku ky flamur që është parë shpesh si një simbol i racizmit është vendosur vazhdimisht në kazermat ose dhomat e zakonshme.
Në një mesazh për të gjithë zyrtarët e ushtrisë së SHBA-së, ministri i Mbrojtjes ka hartuar një listë të flamujve të autorizuar në baza, në anije luftarake, në zyra ose salla konferencash dhe duke përfshirë të gjitha hapësirat e marra me qira nga Ministria e Mbrojtjes jashtë bazave.
Flamuri i konfederatës, një kryq blu në një sfond të kuq, i zbukuruar me 13 yje të bardha që simbolizojnë shtetet jugore, kundër kundërshtimit të skllavërisë, duke u rebeluar kundër Veriut gjatë Luftës Civile Amerikane (1861-1865) nuk është në listën e flamujve të autorizuar.
“Flamujt që ne vendosim duhet t’u përgjigjen dispozitave ushtarake të rendit dhe disiplinës, duke i trajtuar të gjithë me respekt dhe dinjitet dhe duke refuzuar simbolet e ndarjes”, tha Esper në këtë memorandum të postuar në Twitter
