Ka përfunduar edhe ndeshja mes Bjellorusisë dhe Kombëtares së Zvicrës, ku kjo e fundit arkëtoi pikët e plota nga kjo përballje.
Pas plot 90’ minutave lojë të zhvilluara në stadiumin “Karađorđe” të Novi Sadit, Zvicra e ka shkatërruar Bjellorusinë duke e mposhtur me rezultat të thellë 5:0, raporton KosovaPress.
Mesfushori me prejardhje kosovare, Granit Xhaka ishte protagonist sot me një gol (minuta e 62’), kurse Renato Steffen me hat-trick (minuta e 4’, 17’ dhe 29’), dhe Mohamed Amdouni (minuta e 65’) vulosën fitoren 5:0 të Zvicrës.
Me pikët e reja, Zvicra ngjitet në krye të Grupit I në kuotën e tre pikëve, dy më shumë se Kosova në vendin e dytë dhe Izraeli në të tretin.
Në anën tjetër, Bjellorusia pozicionohet tani e fundit në grup me asnjë pikë.
Rezultati final i ndeshjes, 5:0 në favor të Zvicrës. /KosovaPress/
