Rrugët e vendit vijojnë të përgjaken nga aksidentet, ku për fat të keq nuk mungojnë as ato me pasoja fatale për jetën. I tillë është edhe rasti i një një 77 vjeçari në Peqin, i cili ka ndërruar menjëherë jetë në vend si pasojë e një aksidenti, i ndodhur në aksin rrugor Elbasan- Peqin, në fshatin Gjocaj. Policia e Elbasanit bën me dije se shtetasi E.Z., banues në Fier, duke drejtuar mjetin tip “Benz”, është përplasur me motoçikletën me drejtues shtetasin Xh.T., 77 vjeç, banues në fshatin Gjocaj, Peqin. Për fat të keq përplasja ka rezultuar fatale për jetën për të moshuarin, i cili nuk i mbijetoi dot plagëve të marra dhe ka ndërruar jetë në vend. Policia njofton se grupi hetimor ndodhet në vendngjarje dhe po punon për zbardhjen e shkakut të aksidentit. Aksi rrugor Elbasna – Peqin është ndër më të rrezikshmit në vendin tonë, ku shpesh herë kanë ndodhur aksidente, të cilat kanë pasur edhe pasoja në jetë njerëzish, siç ishte edhe rasti më i fundit. Edlira
