“Po kalojmë kohë mjaft të vështira. Është një përmbysje e madhe kjo që po përjetojmë”, me këtë fjali që çeli takimin e parë të kabinetit të tij pas pushimeve të verës, presidenti francez Emmanuel Macron i paralajmëroi të pranishmit e të gjithë francezët, të përgatiten për sakrifica të forta në periudhën që do të vijë.
Në komentet e tij, shefi i Elysée-së aludoi për një seri “krizash serioze”, duke nisur nga lufta e Ukrainës e deri tek efektet shqetësuese të ndryshimeve klimatike, të tilla si thatësirat që kanë pllakosur disa pjesë të Europës e më gjerë.
“Liria jonë ka një çmim dhe ndonjëherë kur duhet mbrojtur, mund të nënkuptojë sakrificë”, u shpreh ai. Më tej, i bëri thirrje anëtarëve të qeverisë franceze të veprojnë me seriozitet dhe besueshmëri gjatë përballjes me krizën dhe të mos bien pre e demagogjisë.
Top Channel
