Një tërmet i fuqishëm ka goditur Kinën veriperëndimore, ku të paktën 116 njerëz janë vrarë.
Tërmeti tronditi qarkun Jishishan në provincën Gansu të hënën vonë në mbrëmje, duke dëmtuar shtëpi dhe rrugë. Ekipet e shpëtimit u përpoqën për të kërkuar të mbijetuarit e bllokuar nën rrënoja, ndërsa banorët nxituan jashtë, duke u grumbulluar gjatë natës në të ftohtin e ashpër të dimrit.
Deri më tani tërmeti ka vrarë 105 njerëz dhe ka dëmtuar më shumë se 4,700 shtëpi në Gansu, thanë autoritetet provinciale në një konferencë shtypi.
Një total prej 397 personash në Gansu janë plagosur deri më tani, duke përfshirë 16 në gjendje kritike dhe 76 në gjendje të rëndë. Njëmbëdhjetë njerëz kanë vdekur në provincën fqinje të Qinghai.
Disa shtëpi fshatrash në Gansu dhe Qinghai janë shembur, ku zjarrfikësit u përpoqën të nxirrnin të mbijetuarit nga rrënojat në errësirë. Më shumë se 1600 zjarrfikës ndodhen në terren.
Tërmeti ka ndërprerë gjithashtu furnizimin me ujë dhe energji elektrike, si dhe sinjalet celulare në disa zona, duke komplikuar përpjekjet e shpëtimit.
Në Jishishan, banorët u zgjuan nga lëkundjet e forta. Shumë dolën me nxitim nga shtëpitë e tyre për të kërkuar siguri në zona të hapura. Video dhe imazhe në mediat shtetërore tregojnë familjet që grumbullohen së bashku dhe të mbështjella me batanije të trasha në një shesh publik.
Autoritetet kanë ngritur tenda në një vend zhvendosjeje të përkohshme në një shesh në Dahejia, një qytet i goditur rëndë në qarkun Jishishan, raportoi CCTV.
Temperatura më e ulët në Jishishan ishte -14 gradë Celsius gjatë natës.
Temperaturat nën zero përbëjnë “sfidën më të madhe” për përpjekjet e shpëtimit, tha Wang Duo, një ekspert i përfshirë në shpëtim, për gazetën shtetërore China Newsweek. “72 orët e para zakonisht konsiderohen si “periudha e artë” për shpëtim, por kjo dritare e çmuar kohore shkurtohet në këtë rast për shkak të të ftohtit të ashpër, tha Wang.
Zona të mëdha të Kinës, përfshirë veriperëndimin e saj, janë kapluar nga një ftohje e papritur ditët e fundit, me temperaturat që kanë rënë afër niveleve të ulëta historike në disa zona veriore.Tërmeti pritet të jetë më vdekjeprurësi që ka goditur Kinën në gati një dekadë, pasi një tërmet në provincën jugperëndimore të Yunnan vrau rreth 600 njerëz në vitin 2014.
Provinca fqinje e Yunnan, Sichuan, u përball me një tërmet shkatërrues me magnitudë 7.9 në vitin 2008 që vrau rreth 90,000 njerëz.tch
