Dritat e shumëllojshme, dekori festiv, muzika dhe zërat gazmorë të fëmijëve sjellin çdo mbrëmje atmosferë magjike në Elbasan.
Zbukurimet për festat e fundvitit nuk janë fokusuar vetëm në qendër të qytetit por edhe në rrugët e tjera të Elbasanit, kjo ben që gëzimi i festave të ndjehet kudo.
Në mbrëmje rreth pemës së Vitit të Ri mblidhen me dhjetëra fëmijë të shoqëruar me prindër, për të bërë fotot të cilat i ruajnë si kujtim në albumet e tyre.
Kryetari i Bashkisë Elbasan,Gledian Llatja, ka përcjellë në rrejtet sociale pamje të cilat tregojnë më së mirë gëzimin në sytë e fëmijëve, atmosferen e gëzuar dhe dritat shumngjyrshe.
Ambientet e dekoruara të ftojnë të qëndrosh dhe të shijosh këtë bukuri që ndodh vetëm për festat e fundvitit.
Elbasaninews.al Edlira Xherri
