Kanë kaluar vetëm pak ditë nga ngjarja e rëndë që ka shkaktuar jo pak reagime e që ka shokuar opinionin publik. Në Babrru të Tiranës, e më saktësisht në shkollën 9 vjeçare “Azem Hajdari” është abuzuar seksualisht nga roja i shkolles një vajzë 15 vjeçare, e cila mësonte aty. Në emisionin e radhës “Takimi Rozë” në TV Skampa u diskutua, jo vetëm për ngjarjen në fjalë, por për fenomenin në tërësi, duke ndarë mendime mbi ndërgjegjësimin qytertar dhe mbrojtjen e të miturve. Me gazetaren Bruna Kërçyku në studio, ishte pedagogia e mirënjohur e Universitetit të Tiranës Iris Luarasi, por e njohur edhe si një aktiviste dhe zë i fuqishëm për mbrojtjen e grave dhe vajzave. Nënkryetarja e Bashkisë së Elbasanit Vesa Liço informoi për strukturat shtetërore për mbrojtjen e të miturve, por edhe nivelin e sigurisë në shkolla, ndërsa psikologia Jonida Mustafaraj kërkoi më shumë vëmendje nga ana e prindërve, por edhe mësuesve dhe e edukatorëve në lidhje me sjelljet e fëmijëve që në moshë të hershme. Për hërë të parë në të gjithë Shqipërinë pati një ndërgjegjësim të madh qytetar për mbrojtjen e fëmijëve. Këtyre tubimeve ju bashkuan dhe emra të njohur të artit dhe ekranit të cilët u bënë bashkë në një kauzë të rëndësishme. Ekzkluzivisht për TV Skampa përcollën mendimin e tyre si nëna dhe gra duke dënuar aktet e çdo lloj dhune ndaj të miturve Alketa Vejsiu, Aurela Gaçe dhe Ilda Lumani. Duke qenë personazhe fort të dashura dhe me influencë të gjerë në publik, e sidomos tek të rinjtë, mendimi i tyre dhe bashkimi në këtë tubim u vlerësua si shumë i rëndësishëm edhe nga paneli në studio. Znj. Luarasi më tej theksoi edukimin e fëmijëve, grave e vajzave për të mos heshtur dhe për të mos pranuar asnjë lloj abuzimi, ngado që vjen ai. Ajo vuri në dukje se ligjet shqiptare janë të shkruara shumë mirë, por gjithçka çalon tek zbatimi i tyre. Znj. Luarasi u bëri thirrje grave e vajzave të telefonojnë në linjën pa pagesë 116-117 për të kërkuar ndihmë, por edhe thjesht për të folur e për të marrë një mendim nga specialistët. Një fëmijë që abuzohet pëson tramë të rëndë psikologjike e cila, sipas psikologes Mustafaraj, mund të zgjatë gjatë dhe fëmija ka nevojë për trajtim psikologjik. Mustafaraj vuri në dukje se jo vetëm vajzat abuzohen, por edhe djemtë dhe traumat e tyre, janë shumë të rënda. Mustafaraj u bëri apel edukatorëve, prindërve të vërejnë sjelljet e fëmijës, vizatimet e tyre apo lojërat për të mësuar më shumë për jëtën e tyre. Edhe si nënë e dy fëmijëve me adoleshencë të kaluar tashmë, Z. Liço vuri në dukje rëndësinë e afrimitetit familjar për të krijuar besim dhe mbrotje tek fëmija. Në cilësinë e nënkryetares së Bashkisë së Elbasanit ajo tha se një punë e mirë është bërë me vendosjen e kamerave në shkolla për rritjen e sigurisë, por mbetet ende shumë për t’u bërë, sidomos përsa i përket oficerëve të sigurisë. Po ashtu, sipas saj, strukturat e Shërbimit Social funksionojnë më së miri në bashkëpunim edhe me organizata partnere. Plot 66 fëmijë kanë rënë pre e ngacmimit dhe dhunës seksuale nga persona të afërt, apo janë dhunuar fizikisht nga familjarët e tyre prej 1 janarit 2019 deri në 1 qershor 2020. Shifra në fjalë është pjesë e përfundimeve të një studimi të Qendrës për Mbrojtjen e të Drejtave të Fëmijëve në Shqipëri, CRCA. Në 18 muajt e monitorimit, llojet e abuzimeve janë nga ngacmimet seksuale, te përndjekjet dhe te dhuna seksuale. Mes rasteve të identifikuara është edhe ai i qershorit 2019 në Fier, ku një e mitur 10-vjeçare është dhunuar seksualisht nga një 67-vjeçar. Ndësa harta gjeografike e abuzimeve seksuale me të miturit shtrihet në Tiranë dhe qytetet më të mëdha të vendit, si Durrës, Vlorë e Shkodër, por edhe në qytete të njohura për nivel të ulët kriminaliteti si Librazhd dhe Përmet. Për këtë shkak, CRCA kërkon nga institucionet në vend ndryshim rrënjësor të qasjes që sistemi i drejtësisë dhe i mbrojtjes së fëmijëve kanë ndaj fëmijëve viktima të dhunës seksuale, dëmshpërblim për ta dhe miratim të një protokolli të trajtimit të rasteve të fëmijëve viktima të dhunës seksuale, të detyrueshëm për t’u zbatuar nga të gjitha institucionet publike në kontakt me viktimën dhe që kanë për detyrë mbrojtjen e fëmijëve.
“Takimi Rozë”, diskutohet dhuna ndaj të miturve
133
0
Shqipëria rritje 121%, raporti botëror për numrin e udhëtarëve në destinacione
Raporti për flukset turistike në botë e ka vendosur Shqipërinë në krye të listës me rritjen më të fortë.Ndërkohë që e gjithë bota ka...
“Të rriten pagat e IT”, ekspertët shpjegojnë hendekun e punësimit nga shteti te privati
Institucionet shtetërore janë në kërkim të specialistëve të IT.Në faqet zyrtare shihen me dhjetëra njoftime për vende të lira pune në sektorin e teknologjisë....
Punësimi në sektorin bankar u rrit me 4.3%
Punësimi në sektorin bankar u rrit me 4.3% vitin e kaluar.Të dhënat e Shoqatës Shqiptare të Bankave tregojnë se në fund të vitit 2023,...
Paradoksi, Shqipëria ndër vendet me ecurinë më të mirë ekonomike në rajon, por varfëria...
Shqipëria po rezulton një nga vendet me ecurinë më të mirë ekonomike në rajon, sa u përket shifrave dhe rezistente ndaj goditjeve të ndryshme...
Ligji i ri për turizmin/ Mete: Metodologji për taksimin e operatorëve! Nuk preket qiradhënësi...
Ministri i Financave Ervin Mete pas mbledhjes së Këshillit të Ministrave, prezantoi ligjin e ri për turizmin, që ka të bëjë më strukturat akomoduese,...
3,2 miliardë euro nga turizmi! Kumbaro: Një vit i suksesshëm për Zonat e Mbrojtura...
Ministrja e Turizmit dhe Mjedsit Mirela Kumbaro mbajti sot konferencën për shtyp mbi analizën vjetore të ministrisë dhe për të prezantuar prioritetet e vitit...
Vera 2024, më e nxehta që nga fillimi i matjeve! Regjistrohen temperatura rekord
Sivjet muajt qershor, korrik dhe gusht në mesataren globale kanë qenë më të nxehtët që prej fillimit të matjeve të temperaturës, sipas Shërbimit të...
Vranësira në të gjithë vendin, reshje në zonat malore! Parashikimi i motit për sot
Këtë të premte, vendi ynë do të jetë në ndikim të masave ajrore të paqëndrueshme.Moti do të jetë me alternime vranësirash si dhe kthjellime...
“Dikur i doja ‘bad boys’, por sot…”, ish-banorja e Big Brother VIP zbulon djalin...
Moderatorja e njohur, Erjola Doçi, ka zbuluar mëngjesin e sotëm se është në një lidhje dashurie.E ftuar në emisionin “Wake Up”, moderatorët e ngacmuan...
Një copëz Siçilie në Libofshë/ Vreshtari që u kthye nga emigrimi me fidanët italianë...
Katër vite më parë, Dritan Meço bashkë me familjen braktisën emigrimin në Itali për tu kthyer në fshatin e lindjes në Libofshë.Ai vendosi të...
Shqipja rrezikon të mos jetë më gjuhë e dytë zyrtare në Maqedoni? Kushtetuesja vendos...
Gjykata Kushtetuese në Maqedoni do të vendosë në shtator nëse do ta lërë në fuqi apo do ta shfuqizojë Ligjin për Gjuhën. Nëse do...
Kosova hap postë në Veri! Serbët lokalë e kundërshtojnë, dalin në protestë
Të enjten ka nisur punën dega e Postës së Kosovës në Mitrovicë të Veriut.Një grup i subjektit politik Demokracia Serbe e kundërshtuan hapjen, duke...
Moti
Elbasan
clear sky
20.4
°
C
20.4
°
20.4
°
61 %
1.6kmh
6 %
Die
35
°
Hën
32
°
Mar
26
°
Mër
23
°
Enj
21
°