Hoqi dorë për të kandiduar për kryetar bashkie në Gramsh, në vendlinjden e tij. Ish- deputeti i Partisë Socialiste, Besion Ajazi, fitoi me një rezultat të ngushtë përballë kandidatit nga koalicioni “Bashkë Fitojmë” Hasim Çekrezi, për një mandat 4 vjeçar për të qenë në krye të këtij institucioni. Ajazi arriti të mbledhë 6263 vota (52.67%) dhe Hasim Çekrezi 5629 vota (47.33%) me një diferencë 634 vota më shumë në favor të kandidatit të maxhorancës. 11.892 qytetarë ushtruan të drejtën e tyre me votë në 48 qendra votimi, ku në fund, me anë të vullnetit të tyre të plotë u zgjodh që për 4 vitet e ardhshme të jetë në krye Besion Ajazi. Ajazi prej disa vitesh është i angazhuar në politikë, në një kohë që pason në këtë detyrë kryebashkiakun aktual, Klodian Taçe, i cili qëndroi për katër vite. Gramshi njihet si një bastion i së majtës, çka u tregua edhe në votimet e 14 majit, ku i votëbesuan kandidatit të PS.
