ATSH/- Bashkia Malësi e Madhe, po vijon punën në zbatimin e projekteve të parashikuara për vitin 2020 në rehabilimin dhe përmirësimin e rrugëve rurale.
Objekt i punimeve janë 13 rrugët rurale në 5 Njësitë Administrative Gruemirë, Kastrat, Kelmend, Qendër dhe Shkrel.
Bashkia Malësi e Madhe, njoftoi se, së fundi ka përmbyllur punimet në rrugën Kamicë – Flak të Njësisë Administrative Gruemirë, duke lehtësuar qarkullimin e automjeteve dhe ndihmuar banorët e zonës të dalin më shpejt në treg me prodhimet e tyre bujqësore dhe blegtorale. /j.p/
