Mjeku i njohur, Alban Hatibi, mësohet se e ka fituar betejën e tij me Covid-19.
Ka qenë shefja e Reanimacionit të ‘Sanatoriumit’, Alma Cani, e cila ka ndarë lajmin e mirë për mjekun.
Në një postim në mediat sociale, Cani shkruan se Hatibi e ka fituar betejën me virusin vdekjeprurës, por bën apel për ruajtjen e masave.
REAGIMI I PLOTË
“Kenaqesi per mua tju njoftoj qe Dr Alban Hatibi e fitoj betejen me Covid 19! ? Çdo dite duke u perballur me kete uragan qe nuk po mbaron, cdo dite duke u ndeshur me kete te keqe qe nuk po kursen jeten e njerezve, perfshire ketu edhe moshat e reja, per ne bluzat e bardha rreziku eshte i madh dhe ne nuk jemi te perjashtuar nga e keqja, qe eshte afer nesh cdo çast!
Dr Albani prej vitesh ka punuar me perkushtim, devotshmeri, profesionalizem e modesti në ndihme te jetes se pacienteve ndaj kthimi i tij mes nesh eshte i domosdoshem! Faleminderit te gjitheve per mesazhet pafund qe te gjithe ju miq, kolege, familjare, dashamires, pacient, te njohur e te panjohur qe nuk reshten gjate gjithe ketyre diteve si suport moral per te gjithe ne!
Kenaqesise tone i shtohet dhe fakti qe kthimi i Dr Albanit në kete arene lufte te pergjakshme qe ne po perjetojme, na jep force, besim e shprese qe ne sebashku do ja dalim! Asgjë në jetë nuk duhet të na frikësoje: duhet te kuptojme e te jemi realist! Respektoni rregullat! Mbroni jeten tuaj dhe te te tjereve! Rrespektimi i rregullave nga ju eshte ndihme per jeten tuaj e forca jone!”, shkruan në reagimin e saj Alma Cani.
Mjeku Alban Hatibi u infektua me COVID pak javë më parë dhe gjendja e tij u përkeqësua.
Ai prej ditësh ndodhej i shtruar në spital në terapi intensive, por më në fund ka arritur të fitojë kundër virusit.
Hatibi u infektua teksa po kuronte pacientët me Covid-19, por fatmirësisht pritet të rikthehet sërish në krye të detyrës.
(Descript.al)
