Pas grupit parlamentar të Partisë Socialiste, sot kryeministri Edi Rama ka mbledhur në Elbasan edhe kryebashkiakët socialistë.
Raportohet se Rama do të diskutojë me ta nisjen e sezonit të ri politik dhe objektivat për zgjedhjet parlamentare, që pritet të zhvillohen në përiudhën 15 prill-15 maj, të vitit të ardhshëm.
Po ashtu është bërë e ditur se kryeministri do të mbledhë edhe Asamblenë Kombëtare të Partisë Socialiste, por nuk dihet ende data.
Risjellim në vëmendje se në mbledhjen e grupit socialist, Rama caktoi dhe drejtuesit politikë nëpër qarqe. Ai hoqi Vangjush Dakon nga drejtimi I qarkut të Durrësit dhe e mori vetë drejtimin e tij, Ilir Beqaj nga Kukësi kaloi drejtuesi I qarkut të Shkodrës, ndërsa Tirana u nda mes Elisa Spiropalit, Erion Veliajt dhe Ervin Bushatit.
