Balla deklaron se, në takim kanë biseduar lidhur me marrëdhëniet e shkëlqyera midis vendeve.

Balla gjatë takimit e falenderoi Ambasadorin për mbështetjen e vazhdueshme ndër vite të Zvicrës ndaj Shqipërisë.

Gjithashtu Ballë dhe Maitre diskutuan edhe rëndësinë e forcimit të bashkëpunimit nëpërmjet jetësimit të projekteve me rëndësi të cilat synojnë forcimin e demokracisë dhe shtetit të së drejtës.

“Kënaqësi të prisja në një takim Ambasadorin e Zvicrës në Republikën e Shqipërisë, Shkëlqesinë e tij Zotin Adrian Maitre. Në takim theksuam marrëdhëniet e shkëlqyera midis vendeve tona dhe e falenderova Ambasadorin për mbështetjen e vazhdueshme ndër vite të Zvicrës ndaj Shqipërisë. Jam mirënjohës shtetit zvicerian për një sërë projektesh që kemi realizuar së fundmi në Elbasan, Librazhd dhe Prrenjas”, tha Balla në një reagim.

“Në takimin tejet miqësor me Ambasadorin Maitre ndër të tjera diskutuam rëndësinë e forcimit të bashkëpunimit nëpërmjet jetësimit të projekteve me rëndësi të cilat synojnë forcimin e demokracisë dhe shtetit të së drejtës”, shtoi Balla.

“Diskutuam mbi reformën elektorale dhe impaktin e padiskutueshëm të saj në demokratizimin e mëtejshëm të vendit dhe të partive politike”, theksoi Balla.

“Partia Socialiste ka depozituar listat e kandidatëve të saj sipas afateve, duke propozuar përfaqësues të nderuar të komuniteteve me integritet të lartë”, tha Balla më tej.

“Në kushtet e pandemisë theksova rëndësinë e respektimit të masave anti-COVID nga të gjithë subjektet politike duke u bërë shembull dhe mos rrezikuar jetën e asnjë qytetari”, u shpreh Balla