ATSH-ANSA/ – Sot është Dita e Medias Sociale, e cila u prezantua për herë të parë më 30 qershor 2010 nga faqja e specializuar amerikane ”Mashable” duke pasur parasysh ndikimin e këtyre platformave në shoqëri dhe gjithashtu në botën e punës.
Platforma e parë e medias sociale ishte ”Friendster në 2002”, më pas ”Linkedin” mbërriti në 2003 dhe ”Facebook” në 2004.
Listën e ”peshave të rënda” të medias sociale e kryesor TikTok.
Aplikacioni nisi në vitin 2016 dhe është bërë i njohur veçanërisht tek të rinjtë për shkak të veçorive të tij muzikore dhe video.
Sipas një statistike të SmartinsIights, më shumë se gjysma e popullsisë globale përdor median sociale (58,4%, e barabartë me 4,62 miliardë njerëz) dhe përdorimi mesatar ditor është 2 orë e 27 minuta.
Sidoqoftë, këto platforma janë bërë një zgjedhje edhe për kriminelët kibernetikë për të gjurmuar zakonet e përdoruesve dhe fjalëkalimet e përdorura.
Për këtë arsye, ekspertët e kompanisë së sigurisë ”Yoroi” rekomandojnë kufizimin e ndarjes së informacionit personal, përdorimin e emaileve, hyrjeve dhe fjalëkalimeve të ndryshme për shërbimet e ndryshme që përdorim, ndërtimin e fjalëkalimeve të gjata, të forta dhe komplekse pa iu referuar hobeve, pasioneve dhe vendbanimit./ /os/
