Ministri i Drejtësisë, Ulsi Manja dhe homologia e tij e Kosovës, Albulena Haxhiu kanë nënshkruar sot dy marrëveshje në fushën e Drejtësisë.
Angazhimi për firmosjen e tyre është marrë nga dy ministrat në mbledhjen e tetë të qeverive të Shqipërisë dhe Kosovës.
“Marrëveshja për vendosjen e një bashkëpunimi të ndërsjellët ndërmjet palëve në fushën e sistemit penitenciar” dhe “Marrëveshja për lehtësimin e bashkëpunimit të institucioneve në fushën e mbikëqyrjes së ekzekutimit të dënimeve alternative dhe lirimit me kusht”, janë dy dokumentet e firmosur nga Manja dhe Haxhiu, të cilat duke u vënë shumë shpejt në zbatim do të sjellin lehtësira në adresë të qytetarëve të interesuar si në Shqipëri dhe në Kosovë.
Këto janë marrëveshje të arritura në vijim të një sërë angazhimesh, punësh e iniciativash të përbashkëta në fushën e drejtësisë nga institucionet dhe stafet respektivë.
