Një asteroid i madh do të kalojë pranë Tokës në orët e ardhshme, sipas BBC.
Me madhësinë e një minibusi, shkëmbi hapësinor, i njohur si “2023 BU”, do të kalojë me shpejtësi mbi majën jugore të Amerikës së Jugut, vetëm pas mesnatës.
Me një afrim të pritshëm prej 3,600 km (2,200 milje), ai llogaritet si një gërvishtje e afërt.
Ky rast tregon se ka ende asteroidë me përmasa të konsiderueshme që qëndrojnë pranë Tokës, dhe që mbeten për t’u zbuluar.
Ky asteroid u zbulua fundjavën e kaluar nga astronomi amator Gennadiy Borisov, i cili operon nga Nauchnyi në Krime, gadishulli që Rusia mori nga Ukraina në 2014.
Vëzhgimet vijuese kanë përmirësuar të dhënat për madhësinë e “2023 BU” dhe, më e rëndësishmja, për orbitën e tij.
Në këtë mënyrë, astronomët janë të sigurt se asteroidi nuk do të prekë planetin, edhe pse ai do të hyjë brenda harkut të pushtuar nga satelitët e telekomunikacionit në botë, të cilët ndodhen 36,000 km (22,000 milje) sipër nesh.
Shanset për të goditur një satelit janë shumë të vogla.
Koha e lartësisë më të ulët është llogaritur sot në 1:27 dhe nesër në 00:27 GMT.
Edhe nëse “2023 BU” do të ishte në një kurs përplasjeje të drejtpërdrejtë, do të ishte e vështirë të bënte dëme.
Me një madhësi të vlerësuar prej 3,5m deri në 8,5m në gjerësi, shkëmbi ka të ngjarë të shpërbëhet lart në atmosferë. Megjithatë mund të prodhojë një meteor të ndritshëm spektakolar.
Meteori i famshëm Chelyabinsk që hyri në atmosferën e Tokës mbi Rusinë jugore, në vitin 2013 ishte një objekt afërsisht 20 m i gjerë. Ai prodhoi një valë tronditëse që theu dritaret në tokë.
Shkencëtarët në agjencinë amerikane të hapësirës NASA thonë se orbita e “2023 BU” rreth Diellit do të modifikohet nga takimi i tij me Tokën.
Graviteti i planetit tonë do ta tërheqë atë dhe do të rregullojë rrugën e tij nëpër hapësirë.
