ATSH/ Meriban Zeneli është mjeke familjeje, pranë Qendrës Shëndetësore, Dajt, e cila bashkë me stafin e saj gjendet në vijën e parë të frontit në luftën kundër COVID-19.
Duke vlerësuar përkushtimin e saj, deputeti i Partisë Socialiste, Ervin Bushati tha se “një hero i vërtetë nuk matet nga madhësia e forcës së tij, por nga forca e zemrës”.
“Çdo ditë me përkushtim dhe devotshmëri pranë pacientëve me konsulta online dhe dërgimin e ilaçeve tek të sëmurët kronikë”, tha ai.
“Së bashku duhet t’ia dalim mbanë betejës me COVID-19. Durim dhe besim duke zbatuar rregullat e vendosura nga OBSH dhe këshillat e ekspertëve vendas”, është apeli i mjekes Zeneli./
