E diela e kësaj jave përkon me pashkët orthodhokse, por për shkak të pandemisë nuk do të mund të kryhen ritualet e besimtarëve në kishë. Të moshuarit kanë përfituar nga liri-dalja ditën e sotme për të kryer ritet, ndërsa prifti i Kishës së Shënkollit pohon se mesha do të mbahet pa besimtarë
Në prag të natës së shenjtë të Pashkëve, të shumtë kanë qenë besimtarët e moshuar të cilët kanë përfituar nga liridalja e tyre për t’ju drejtuar kishës për një lutje të fundit, në pamundësi që këtë lutje ta bëjnë në mesnatë apo në ditën e Pashkës. Është hera e parë që Pashkët festohen larg kishës, madje disa prej tyre tregojnë se edhe në diktaturë kanë pasur mundësi që fshehurazi t’I festonin Pashkët. Ndërsa urimet e tyre i drejtojnë ndaj atyre që sot kanë nevojë adhe lutjeter kundër përhapjes dhe mbarimit sa më parë të kësaj sëmundje.
At Stavri Çipi në Kishën e Shën Kollit në Elbasan, shprehet se kanë qenë të shumtë besimtarët që janë interesuar për meshën e shenjtë, por për herë të parë kjo meshë do të mbahet pa besimtarë.
Me urimet për pashkë të begata vitin e ardhshëm, besimtarët do të festojnë në familjet e tyre ku padyshim nuk do të mungojnë as trokitjet e vezëve.
