Katër vjet pas udhëheqjes së Argjentinës drejt trofeut në Katar, Messi vazhdon të shkëlqejë në skenën më të madhe të futbollit, duke kryesuar garën për “Këpucën e Artë” me pesë gola në dy ndeshje, përfshirë një hat-trick (tre fitore, tre gola, tre pikë) në ndeshjen hapëse kundër Algjerisë.
Ai tani ka 18 gola në Botërorë, duke kaluar gjermanin Miroslav Klose dhe francezin Kylian Mbappé, të dy me nga 16.
Homazhet për ish-yllin e Barcelonës dhe Paris Saint-Germain, që aktualisht luan për Inter Miami në Ligën Kryesore te Futbollit, kanë vërshuar nga të gjitha anët.
Federata Argjentinase e Futbollit (AFA) e përshkroi atë si “kapitenin, simbolin dhe ikonën e kombit”, duke e quajtur “njeriun që ndryshoi historinë e futbollit botëror”.
“Edhe një vit duke festuar madhështinë”, shkroi Barcelona në Instagram.
Fituesi tetë herë i “Topit të Artë” mban një sërë rekordesh, përfshirë më shumë gola në Liga (474), më shumë gola për Barcelonën (672) dhe më shumë gola për Argjentinën (122).
Gjatë 17 viteve si profesionist me Barcelonën, ai fitoi 10 tituj të Ligës dhe katër trofe të Ligës së Kampionëve.
Për të festuar 39-vjetorin e tij, prezantuesi argjentinas i televizionit Rodolfo Barili postoi një thirrje të veçantë në Instagram, duke ftuar vendin të këndojë një urim të përbashkët në orën 10:00 dhe 22:00.
Argjentina është kualifikuar për raundin e 32-shes si fituese e Grupit J dhe do të përballet me Jordaninë të shtunën në Dallas. //a.i/
