“Një mesazh për çdo vajzë dhe grua që ka një ëndërr, një qëllim dhe dëshirën për të ecur përpara. Ëndërro. Puno. Beso. Mos u dorëzo”, ishin fjalët e ministrit Gonxhja, shoqëruar me pamjet të vajzave sportiste në sporte që dikur janë parë si fusha që u takonin vetëm burrave, si mundja, futbolli, karateja etj.

Ky mesazh ndërgjegjësues jepet në kuadër të projektit “SheAds”, i cili ka mbështetjen e Bashkimi Evropian.

“SheAds” është një projekt i financuar nga programi “Erasmus+” i Bashkimit Evropian, i cili fokusohet në rritjen e shikueshmërisë dhe promovimin e barazisë gjinore për gratë në sport, me një fokus të veçantë në Shqipëri.

Projekti synon të sfidojë narrativat e vjetruara mediatike që shpesh përqendrohen te pamja e jashtme e sportisteve në vend të arritjeve të tyre profesionale.

/a.f/