KANË, 19 maj /ATSH-ANSA/ – Pas tronditjes nga presidenti ukrainas, Zelensky, në lidhje me luftën, gjatë ceremonisë së hapjes, ku theksoi se bota e kinemasë të mos heshtë dhe të gjejë një Charlie Chaplin të ri për të rivënë në skenë ”Diktatorin e madh”, Festivali i Kanës në ditën e tij të dytë u luhat mes politikës dhe yjeve.
Tom Cruise, i cili mbërriti me një helikopter të zi ”Top Gun” për t’u takuar me publikun, në një homazh për aktorin hollivudian dhe për të promovuar filmin e ri ”Top Gun: Maverick”, dominoi ditën për një kohë të gjatë për shkak të bllokimit të trafikut para ”Palais de festival”.
Cruise, 60 vjeç dhe me një pakt të dukshëm me djallin, u shpreh si ambasador i kinemasë në Kanë, e cila përsëri këtë vit ndaloi Netflix-in dhe platformat e tjera.
”Unë e dua kinemanë, është pasioni im, bëj filmin që dua t’i bëj. Për mua filmi është ai që shoh në ekranin e madh, me kapele në kokë dhe kokoshka”, tha ai.
Dje ishte gjithashtu dita e regjisorit disident rus Kirill Serebrennikov i cili më në fund mundi të shkelte tapetin e kuq të Kanës pas vitesh ftesash të pasuksesshme për ndalimin e largimit nga Rusia (ai ka qenë edhe në burg).
Ai solli në konkurs rindërtimin besnik të gruas së Çajkovskit, të një epoke nëpër histori të sunduar nga çmenduria e kompozitorit dhe gruas së tij Antonina Miliukova, një film që sigurisht nuk hyn merr më shumë vëmendje se ”Mariupolis 2”, dokumentari lituanez i regjisorit Mantas Kvedaravicius, i cili u vra gjatë arratisjes nga Ukraina dhe filmi i të cilit u përfundua nga partnerja e tij, Hanna Bilobrova./ a.jor.
