/ATSH-AA/- Miliona njerëz në mbarë botën kanë kujtuar sot Nelson Mandela, njeriun dhe liderin e lirisë dhe pajtimit, me rastin e 104-vjetorit të lindjes.
Kombet e Bashkuara në vitin 2009 caktuan 18 korrikun si Ditën Ndërkombëtare të Nelson Mandela për të festuar ditëlindjen e tij dhe gjithashtu për të përkujtuar luftën kundër racizmit dhe diskriminimit.
Për të nderuar Mandelën dhe kontributin e tij vetëmohues për njerëzimin, jugafrikanët nga të gjitha fushat i kushtuan 67 minuta nga koha e tyre vullnetarizmit për kauza të mira.
Muhammed Desai, drejtor i grupit të të drejtave të njeriut “Africa 4 Palestine”, tha se organizata e tij do t’i kushtonte kohë kujtimit të frymës internacionale të Mandelës duke ngritur çështjen palestineze dhe pozicionin dhe mbështetjen e Mandelës për popullin palestinez.
“Ne e dimë shumë mirë se liria jonë është e paplotë pa lirinë e palestinezëve”, tha dikur Mandela.
I lindur në fshatin Mvezo në provincën e Kepit Lindor, Mandela kaloi 27 vjet burg për shkak të kundërshtimin të regjimit të diskriminimit.
Ai u bë presidenti i parë i Afrikës së Jugut i zgjedhur në mënyrë demokratike në vitin 1994.//a.i/
