ATSH/ -Kriza e COVID-19 ka dëmtuar rëndë kanalet tradicionale të tregtisë, duke kthyer komunikimin dixhital mjet parësor dhe të domosdoshëm për shumicën e bizneseve.
Në Ditën Botërore të Krijimit dhe të Inovacionit, Agjencia e Shteteve të Bashkuara për Zhvillim Ndërkombëtar, (USAID) bën të ditur se, projekti i saj “SmartCapital”, që zbatohet nga partneri shqiptar “Creative Business Solutions” (CBS), në Shqipëri, po e përshtat platformën dixhitale “Agrotrade” për këtë realitet të ri.
“Kriza COVID-19 ka dëmtuar rëndë kanalet tradicionale të tregtisë, duke kthyer komunikimin digjital mjet parësor dhe të domosdoshëm për shumicën e bizneseve. Zgjodhëm Ditën Botërore të Krijimit dhe të Inovacionit, për t’ju treguar se projekti ynë “SmartCapital”, që zbatohet nga partneri shqiptar “Creative Business Solutions” (CBS), po e përshtat platformën digjitale “Agrotrade” për këtë realitet të ri”, thekson USAID.
“Duke shfrytëzuar platformën ekzistuese, ata po mundësojnë lidhjen e re virtuale për 3 segmentet e zinxhirit të furnizimit për eksportet, që janë: prodhuesit vendas, shoqëritë e huaja blerëse dhe shoqëritë logjistike. Deri tani, CBS ka marrë vlerësime të mira për këtë inovacion. Pritet që, në muajt në vijim, CBS të verë në funksionim paketën e plotë të këtij shërbimi për klientët”, shton USAID.
/gj.mima/ /a.g/
